Errugbiak inauterietan ere ez du etenik. Igande honetan 11:30etatik aurrera, Gamarran, OBMko Vithas Gaztedik Gesala Okelan Zarautz K.E.ren aurka neurtuko ditu indarrak.

Galiziar lurretan Campus Universitario Ourense R.C.ren kontra lortutako garaipenaren ondoren, Vithas Gaztedi indarrez beteta dago Zarautzen aurka lehiatzeko.

Gogoan dugu lehen itzulian Gaztedik Astin galdu zuela, beraz, arabarrek badakite gogor egin beharko dutela lan, irabazi nahi badute, eta hala, bigarren itzuliko hirugarren garaipena lortu.

Norgehiagoka polita izango da igandekoa, Gamarrako zelai zoragarrian gozatuko duguna. Taldeak bertan espero zaitu.