Larunbat honetan, azaroak 12, Gaztedi Neskak taldeak La Unica Rugby taldearen aurka euskal ligako bostgarren jardunaldia jokatuko du. Partidua Gasteizen izango da, Gamarrako errugbi- zelaian, 16:00etan.

Nafartarrek, denboraldi honetan, bi garaipen eta berdinketa bat lortu dute, eta gure jokalariek Iruñan izandako azken topaketaren emaitza garailea (21- 24)  errepikatzeko gogoz dabiltzate lanean.

Topaketa hau Euskal Ligako klasiko bat da, zeinetan emaitza oso parekoak lortzen diren beti. Hori dela eta, asteburu honetan, lehiaketa eta errugbi ona ikusteko eta disfrutatzeko aukera paregabekoa izango dugu.

Larunbatean, Gamarrako instalazioetan itxaroten zaituztegu, Gaztedi Neskak taldeari irabazteko borrokan laguntzeko.